Өзбекстанда сүйген жігітін пышақтаған қыз сотталды
Қыз бен жігіт арасындағы романтикалық қарым-қатынас 2019 жылдан бері жалғасып келе жатқаны белгілі болды.
Қос ғашық биыл 23-мамырда сағат 19:30 шамасында жігіттің көлігінде кездескен, деп жазады Kazinform Uznews.uz сайтына сілтеме жасап.
Кездесуде жігіт қызды ала алмайтынын, басқа қызға үйленетінін, ата-анасы келіссе, кейін екінші әйелдікке алатынын айтады. Осы кезде жас жігіт ұялы телефонынан үйленетін қызының суретін көрсетеді. Қыз ашуланып, көлікте тұрған асхана пышағын жігітке 4 рет сұғып алған.
Жас жігіт алған жарақатына байланысты ауруханаға жатқызылды.
Жағдайға қатысты сот ісі Қарши қалалық Қылмыстық істер бойынша сотында қаралды.
Сот үкімімен айыпталушы қыз Өзбекстан Қылмыстық кодексінің 104-бабының 2-бөлігінің «л» тармағында көрсетілген қылмысты жасағаны үшін кінәлі деп танылып, ҚК-нің 57-бабына сәйкес 3 жыл 11 айға бас бостандығы шектелді.
