Министрлер кабинетінің Қаулысында айтылғандай, сақтандыру бөлігін 18 пайызға, бірақ кемінде 1 мың сомға көтеру тапсырылды, деп жазады 24.kg сайты.
Тағайындалған зейнетақылардың жалпы мөлшері 6 мың 900 сомнан төмен болса, ең төменгі күнкөріс деңгейіне жеткізіледі.
Айта кетейік, маусым айында қырғыз басшысы Садыр Жапаров зейнетақыны ұлғайту мәселелеріне арналған кеңес өткізді. Әлеуметтік қордың төрағасы Бақтияр Әлиев баяндама жасады.
Оның айтуынша, 2021 жылдан бастап сақтандыру сыйлықақылары максималды көрсеткішке жетті. Осы кезеңнен бастап мұғалімдердің, дәрігерлердің, мемлекеттік және муниципалды қызметкерлердің жалақысының өсуіне байланысты сақтандыру сыйлықақыларын жинау айтарлықтай өсті, бұл зейнетақының өсуінің негізгі факторы болды. Әлеуметтік қор «Келечек булагы» зейнетақы жүйесін дамыту стратегиясын әзірледі, оның шеңберінде бірқатар заң жобалары қабылданды.
Үш жыл ішінде зейнетақыны арттыруға қосымша 60 миллиард сом жұмсалады.
1 шілдеден бастап елде зейнетақының базалық бөлігі 3 мың 500 сомға дейін көтерілді.
