Өзбекстанда «Дүниежүзілік ғарыш апталығы» шаралары өтеді

«Узбеккосмос» агенттігінің хабарлауынша, БҰҰ Бас Ассамблеясы 1999 жылы қабылдаған резолюцияға сәйкес, жыл сайын қазан айының алғашқы 10 күнінде әлемнің 100-ге жуық елінде бұл дата кеңінен атап өтіледі.

Агенттікте «Дүниежүзілік ғарыш апталығы» аясында көптеген ірі жобаларды жүзеге асырады. Атап айтқанда, шара күндері Tashkent City Mall сауда-ойын-сауық орталығында ғарыш тарихына арналған арнайы көрме жұмысын бастайды.

5-6 қазан күндері Ташкент қаласындағы Турин политехникалық университетінде «Узбеккосмос» агенттігі мен NASA-ның бірлескен NASA Space Apps Challenge 2024 хакатоны өтеді. Оған 200-ден астам жастар 40-қа жуық командаға бөлініп, өз жобаларын әзірлейді.

Сонымен қатар, бүкіл республика бойынша жалпы білім беретін мектептерде, академиялық лицейлер мен университеттерде «Дүниежүзілік ғарыш апталығы» тақырыбына арналған ашық сабақтар, сұхбаттар, таныстырылымдар және басқа да іс-шаралар өткізу жоспарланған.