ШҚО полицейлері 250-ге жуық электронды темекіні тәркіледі
Электронды темекі мен сұйықтық сататын интернет-дүкен танымал әлеуметтік желілер арқылы жұмыс істеген.
Өскемен қаласының 29 жастағы тұрғынының гаражын тінту барысында полицейлер 250-ге жуық түрлі маркалы электронды темекіні және 300-ге жуық темекі сұйықтығы бар бөтелкелерді, 118 бу буландырғышы бар бөтелкелер мен картридждерді тәркілеген.
Белгілі болғандай, ер адам қолданыстағы тыйым туралы білген, бірақ «өнімді» курьерлер арқылы сатуды жоспарлаған.
Аталған факті бойынша қылмыстық іс қозғалды, тергеу жүргізілуде. Заңға сәйкес, Өскемен тұрғынына 200 АЕК-ке дейін айыппұл салынады немесе сол мөлшерде түзеу жұмыстарына немесе 200 сағатқа дейін қоғамдық жұмыстарға тартуға немесе 50 тәулікке дейін қамауға алынады.
Полиция департаменті 20 маусымнан бастап Қазақстанда темекі шегуге болмайтын темекі өнімдерінің, электрондық тұтыну жүйелерінің (вейптердің), олар үшін хош иістендіргіштер мен сұйықтықтардың айналымына тыйым салынғанын және ол үшін қылмыстық жауапкершілікке тартылатынын ескертеді.
