АҚШ-тағы Powerball лотореясы джекпотының ұтысы жайлы дүйсенбі күні белгілі болыпты, деп хабарлайды BBC.
Белгісіз тұрғын билеттегі 6 санды дәл тауып, 2,4 миллиард доллар ұтып алған. Оның нақты кім екені әзірге белгісіз. Иесін бір сәтте бай қылған билет Калифорния штатында сатылған деген ақпарат бар.
Бұл сома 3 айдан бері жиналған екен. Осы уақыт ішінде ешбір адам жасырылған сандарды таба алмай келіпті. Тамыз айында джекпот ұтқан адам 206 миллион АҚШ долларына ие болған еді.
