Шығыс Қазақстан облысында алғаш рет ауылдық округ әкімдерінің қатысуымен кеңейтілген жиын өтті

Жиын барысында қаралған маңызды мәселенің бірі — алдағы жылу беру маусымына дайындық. Биыл жалпы облыс көлемінде жылу көздері мен жылу желілеріндегі жұмыстарға 20,8 млрд теңге жұмсалады деп жоспарлануда. Үш жылу электр орталығы, сондай-ақ бюджеттік ұйымдардың 32 аудандық және 201 автономды қазандықтары ретке келтірілмек.

Облыстық Энергетика және тұрғын үй-коммуналдық шаруашылық басқармасының басшысы Нұрлан Рамазановтың айтуынша, облыстағы 56,2 шақырым жылу желілерін жаңғырту жұмыстары 5 пайызға, яғни 55,6 пайызға дейін қалыпқа келтіруге мүмкіндік береді.

Шығыс Қазақстан облысының әкімі Ермек Көшербаев өткен жылу маусымындағы олқылықтарды ескере отырып, Риддер қаласындағы жылумен қамту жүйесін жаңғыртуды және дәл сондай барлық проблемалық деп танылған елді-мекендердің болмауын қадағалау керектігін ерекше атап өтті. Еске салайық, Риддердегі жылу жүйесінде жер үсті жылыту қазандықтарын, қосалқы жабдықтарды, электр бөлшектерін қайта құру сияқты күрделі жөндеу жұмыстары басталып кетті. Жылу желілері, барлығы 55 аумақта 18,9 шақырым құбыр ауыстырылып, жөнделеді. Жылу электр орталығын күрделі жөндеу жұмыстары 5,5 млрд теңгені қажет етеді.

Айта кетейік, облыс әкімі жылыту маусымына дайындық барысында коммуналдық қызмет көрсетумен қатар, тұрғындар тарапынан өзі үйлерін жылытуды қадағалауын тапсырды. Сондай-ақ, жылыту маусымына дейін тұрғындарға дайындық барысы туралы түсіндіру жұмыстарын жүргізу қажеттігін айта кетті. Бұл мәселеде Ермек Көшербаев жауапкершілік негізінен жергілікті әкімдерге жүктелетінін хабарлады.
Өткен жылдың желтоқсан айында «ЛК ГЭС» су электр бекетінен рұқсатсыз су ағызылып, Риддердегі бірнеше тұрғын үйдің аумағын су басқан болатын. Бұл ретте меншік иесі залалды өтеуге қатысты барлық мәселелер шешілетініне уәде берді. Алайда, осы уақытқа дейін уәдеге сай ешқандай әрекет жасалмаған.

Бұл мәселе де облыс әкімдігінің кеңейтілген отырысында талқыланды.

— Келісім бойынша меншік иесі аталған мәселені шешуге уәде еткен. Жауапты тұлғаның сөзіне құлақ асып, жағдайды реттейді дегенге сендік. Енді, біз зардап шеккен тұрғындарға заңды түрде көмектесуіміз керек, — деді Ермек Көшербаев.

Сондай-ақ аймақ басшысы барлық гидротехникалық құрылыстардың: бөгеттердің мен су қоймаларының жағдайын тексеру қажеттігін атап өтті. Олардың жағдайы туралы үнемі мониторинг жүргізіліп, сәт сайын хабардар болуымыз керек. Айтып келмейтін төтенше жағдайлардың алдын алу үшін дәл осы жазғы кезеңде жөндеу жұмыстарын жүргізуді бастауды тапсырды.

Облыста ауылдық елді мекендерді жүйелі түрде дамыту қолға алынды. Атап айтқанда, 50-ден аса көп ауласы мен бұрын-соңды асфальтталмаған мектебі бар 79 шағын ауылда жол жамылғысын төсеу жоспарда бар. Биыл аталған ауылдарың 25-інде асфальт жұмыстары басталады. Сонымен қатар, бұл аймақтарда көше жарығын жаңарту, жаяу жүргіншілер жолын орнату, балалар мен спорт алаңдарын орнату сынды абаттандыру жобалары жүзеке асады.

Жиында жаз мезгілінде мектеп оқушыларына арналған демалыс маусымына дайындық мәселесі қаралды. Мамырдың жиырма бесінде Шығыс Қазақстан мектептерінде соңғы қоңырау соғылды. Барлығы 97 мыңнан астам оқушы оқу жылын аяқтады. Түлектер емтиханға дайындалып жатқанда, кішкентай білім алушылар көптен күткен жазғы демалысын естен кетпестей өткізуге тырысады. Биыл 487 жазғы лагерь жұмыс істейді. 8,5 мыңнан астам оқушы ауылдық балалар лагерінде демалатын болады. Оның ішінде оқу жылын үздік аяқтаған немесе олимпиадалардың, байқаулардың, байқаулардың жеңімпаздары мен лауреаттары атанған жеті жүзге жуық ауыл балалары «Жаздық жолдама» республикалық жобасы аясында «Қазақстан халқына» қоғамдық қорының қаражаты есебінен «Дарын» лагеріне барады.

ШҚО білім басқармасының басшысы Иннеса Чернышева 200 жетім, ата-анасының қамқорлығынсыз қалған және туристік жарыстардың жеңімпаздары үшін моторлы кемеде алғаш рет Бұқтырма су қоймасы бойымен қызықты экскурсиялар ұйымдастырылып жатқанын айтты. Биылғы жазда облыста Самар ауданында әскери-спорттық қалашық жұмыс істейді.

Балалар биыл жазғы демалысын тек ойын-сауыққа арнамай, сонымен қатар білімін де шыңдамақ. Ағымдағы жылда балалар мен ата-аналар тарапынан оң пікірлерге ие болған «Қонақжай отбасы» жобасы жалғасын табады. Жобаға қатысушылар Шығыс Қазақстанның үш облысындағы үш елді мекеннен алты елді мекенге дейін көбейіп келеді. Өскемен, Риддер, Глубоковский, Шемонаиха аудандары мен Алтай өңірінен келген жүз бала Катонқарағай өңіріндегі отбасында тұрып, қазақ тілі бойынша білімдерін жетілдіретін болады. Ал Зайсан және Тарбағатай аудандарынан 20 бала Глубоковский ауданы мен Риддер қалаларында отбасында болып, орыс тілін меңгереді.

Басшылық еліміздің басқа аймақтарындағы балаларды облыс аумағындағы лагерлерге демалуға шақыруды жоспарлаған. Олар пилоттық жобаны су тасқынынан зардап шеккен аудандарда тұратын мектеп оқушыларынан бастауды көздеп отыр. Облыс әкімі Шығыс Қазақстанның географиялық-климаттық жағдайы мұнда балалардың жыл бойы демалып, денсаулығын жақсартуға мүмкіндік беретінін және бұл өзге облыстармен салыстырғанда біздегі үлкен артықшылық екенін атап өтті. Болашақта елдің шығысында
Республика көлемінде мектеп оқушыларына арналған лагерлер пайда болуы мүмкін.

Өткен жылы Шығыс Қазақстан облысында 77 орман өрті орын алған. Өртке оранған аумақ 35,5 млн теңге шығынды, аумағы 502 гектарды құрады. Бұл 2022 жылдың дәл осындай өрт қауіпті кезеңімен салыстырғанда 31 есе аз. Шығыс Қазақстан облысы Төтенше жағдайлар департаменті мемлекеттік өрт бақылау басқармасының бастығы Нұржан Өміржановтың айтуынша, өрт сөндіру қызметі мен орман шаруашылығы мекемелері қызметкерлерінің келісілген және жергілікті атқарушы органның жедел әрекетінің арқасында өрттер мен материалдық шығын аумағы он есеге азайған.
Биыл облыста өрт сөндіру маусымы 8 сәуірде басталды. Орман өрттерін жою үшін азаматтық қорғау күштерінен, жергілікті полиция қызметінен, орман шаруашылығы мекемелерінен және жергілікті атқарушы органдардан 279 адамнан тұратын 50 бірлескен мобильді топ құрылды. Қазірдің өзінде 129 рейдтік іс-шара өткізілді.

Жалпы, кеңейтілген отырыста облыстағы азық-түлік өндірісі мен ет өңдеуден бастап, туристік бизнес ашу сынды ауқымды мәселелер талқыланды.

– Ауылдардың қазіргі жағдайы шыныменде,сондағы ауыл әкімдеріне байланысты. Кез келген төтенше жағдайды дер кезінде біз басшылық, толық өз қолымызға алуымыз керек. Ауыл әкімдері нағыз тәжірибелік буын, халық әкімдерге қарап бой түзейді, – деп түйіндеді өз сөзін Ермек Көшербаев.