Тәжіктерге бойкот: Ресейде жолаушылар таксиден жаппай бас тартуда

Ресей халқы такси жүргізетін тәжік ұлтының өкілдеріне бойкот жариялаған, деп жазады inbusiness.kz сайты.

«Егер тәжік болсаң, мен сенімен бармаймын. Сапардан бас тарт, немесе полиция шақырамын», – деп жазған клиенттердің бірі.

Ал жазылушылардың бірі «Крокустағы» қырғынды ұйымдастырғандардың да мақсаты осы екенін айтты. Сөзінше, бұл жағдайдан кейін ұлтаралық қарым-қатынас ушығып кеткен.

Еске салайық, Мәскеудегі “Крокус сити холлдағы” терракт салдарынан 152 адамның көз жұмғанын хабарлаған болатын. Қанды қырғын 22 наурызда болған еді. Лаңкестер ғимаратта 18 минут болған.