Ресейде апатқа ұшыраған Ми-8 ұшағы экипажының денесі табылды

Құтқарушылар Карелиядағы Онежское көлінің түбінен бір күн бұрын оқу-жаттығу кезінде апатқа ұшыраған Ресей ТЖМ-нің Ми-8 тікұшағы экипаж мүшелерінің бірінің денесін тапты, деп хабарлайды TuraNews.kz ақпараттық порталы inbusiness.kz сайтына сілтеме жасап.

«Мәскеу уақытымен 21:16-да сүңгуірлер қаза тапқан экипаждың біреуін судан шығарды. Ол тікұшақтың ішінен табылған», — делінген Вконтакте әлеуметтік желісіндегі хабарламада.

Тағы екі экипаж мүшесі әлі табылған жоқ. Сүңгуірлер Мәскеу уақытымен 00:00-ге дейін жұмысын жалғастырады, содан кейін қашықтан басқарылатын робот арқылы көл түбін тексермекші.

РФ Төтенше жағдайлар министрлігі Солтүстік-Батыс авиациялық-құтқару орталығының Ми-8 тікұшағы 4 ақпанда Карелиядағы Онежское көлінің үстінде оқу-жаттығу ұшуын орындап, экипаждың үш мүшесімен байланысын тоқтатты деп хабарлады. Тікұшақтың сынықтары жағадан 11 км қашықтықта, ал бөлшектері тереңдігі 40-50 м болатын көл түбінен табылған.