Қазақстандық Арай Нұрлыбекова Бахрейнде өтіп жатқан ауыр атлетикадан Азия чемпионатының күміс жүлдегері атанды, деп хабарлайды ҚазАқпарат Қазақстан Ауыр атлетика федерациясының баспасөз қызметіне сілтеме жасап.
«Бахрейндегі Азия чемпионатында біздің құрама команданың қоржынына екінші күміс медальды Арай Нұрлыбекова әкелді. Әйелдер арасында 76 келіге дейінгі салмақта қазақстандық спортшы қыз 221 келіні (97+124) бағындырып, жекелеген жаттығуларда екі қола медаль жеңіп алды!» — делінген Федерациясының хабарламасында.
Бұған дейін қазақстандық ауыр атлеттер Асылжан Бектай мен Зульфия Чиншанло турнирдің алтын медалін алса, Арли Чонтей «күміс» медаль иеленді.
