Батыс Қазақстан облысында боранға байланысты бірнеше жол жабылды.
БҚО ТЖ департаментінің баспасөз қызметінен мәлім еткеніндей, «ҚазАвтоЖол» ҰК» АҚ БҚО филиалының мәліметі бойынша 16 қаңтар күні сағат 01.20-дан бастап ауа райының нашарлауына байланысты (боран, жолдың дұрыс көрінбеуі) республикалық маңызы бар Орал-Тасқала-РФ шекарасы (4-104 км), Самара-Шымкент (195-215 км, Ресей шекарасынан Орал қаласына дейін) жолдарында жүк және қоғамдық көліктер үшін шектеу қойылды. Мұның тағы бір себебі – Ресейдің көршілес Самара облысында да Самара-Большая Черниговка-ҚР шекарасы жолы жабық тұр.
БҚО жолаушылар көлігі және автомобиль жолдары басқармасының мәліметіне сәйкес сағат 05.46-дан бастап боранға байланысты облыстық маңызы бар Теректі-Ақсай (0-82 км) жолы барлық көлік түрлері үшін жабылды.
Сондай-ақ «ҚазАвтоЖол» ҰК» АҚ БҚО филиалынан мәлім еткеніндей, сағат 09.20-дан бастап республикалық маңызы бар Чапаев-Жалпақтал-Казталов жолында (0-213 км, Чапаевтан Казталовқа дейін) барлық көлік түрлеріне шектеу қойылды.
