Қырғызстанның қылмыс әлемінің сенкері Көлбаевтың 720 пәтері мемлекет меншігіне өтті

Қырғызстанда көзі жойылған қылмыс әлемінің серкесі Қамшыбек Көлбаевтың 720 пәтері ерікті түрде мемлекет меншігіне берілді, деп жазады TuraNews.kz.

24.kg агенттігінің хабарлауынша, Қырғыз Республикасының Мемлекеттік мүлікті басқару жөніндегі агенттік директорының бірінші орынбасары Медер Машиев пәтерлердің өз еркімен тапсырылғанын атап өтті.

Сондай-ақ, ол бұдан бөлек 2023 жылдың 10 айында мемлекет меншігіне 38 жер телімі мен үй және 356 көлік өткенін атап өтті.

«Олардың қатарында тәркіленген, өз еркімен тапсырылған және халықаралық ұйымдардан алынған көлік құралдары бар», — деді шенеунік.