Түркістанда Түркі мемлекеттері ұйымының студент спортшылары арасында ІІ Түркі универсиадасы басталды, деп жазады TuraNews.kz Qazaqstan телеарнасына сілтеме жасап.
Универсиадаға бұл жолы Қазақстан, Әзербайжан,Қырғызстан, Мажарстан, Өзбекстан мен Түркия елдерінен 500-ден аса жас қатысуда. Олар спорттың шахмат, үстел теннисі, волейбол, дзюдо, футзал, грек-рим күресі, еркін күрес спорт түрлері бойынша өзара бақ сынасады. Универсиаданың ашылу салтанаты бүгін ұйымдастырылғанымен жарыстар күні кеше басталып кетті.
