Түркияның Қаратеңіз жағалауына орналасқан табиғи сұлулығы және шай өндірісімен танымал Ризе қаласы аймақтық ерекшелікке ие ас түрі «Ризе құймағы» (мұхлама деп де аталады) арқылы аймақтың тамақ мәдениетіне өзіндік реңк береді. Түрік тағамы, 2021 жылы Ризе Сауда және өнеркәсіп одағының өтінішімен Түркияның географиялық белгісі бар өнімдері қатарына енді.
«Ризе құймағын» жасауда аймақта жасалған жергілікті колот ірімшігі, сары май, жүгері ұны, тұз, су қолданады. Ұзақ жылдардан бері өңірдің той дастархандарының қатарында өз орнын алған «Ризе құймағы» таңғы дастарханның да таптырмас астары арасына кіреді. Кемінде екі кісілік «Ризе құймағын» жасауда алдымен мыс табада сары май, жүгері ұны, тұз ағаш қасықпен қуырылады. Құймақ қоңыр түсті болған кезде шетінен ортасына дейін қайнаған су құйып, араластырып, отты азайтады. Қоспа құймақ қоймалжың күйге келгенде алдын ала жіңішке туралған колот ірімшігі құймақтың бетіне тізіледі. Туралған ірімшік ағаш қасықпен ішке қарай ақырын басылады, алайда араластырмайды. Соңында баяу от толық көтеріліп, жанып тұрған отта құймақ 10-15 секунд пісіріледі. «Ризе құймағын» дастарханға ыстық әкеледі, оны суытпай жеу керек.
