Мәдениет және спорт министрі Асхат Оралов Үкімет отырысында биыл Kids Go Free бағдарламасының игілігін көретін балалардың саны артатынын мәлім етті, деп хабарлайды Turanews.kz.
Үкімет отырысында сөз сөйлеген мәдениет және спорт министрі Асхат Оралов отбасылық демалысты ынталандыру мақсатында балаларға ел ішінде тегін ұшуға мүмкіндік беретін Kids go free бағдарламасын іске асыруды жалғастырады
«Биыл 2 000-нан аса бала тегін ұшақ билетімен қамтылады деп күтілуде», — деді министрі Асхат Оралов.
«Ерекше қажеттіліктері бар балаларға айрықша көңіл бөлінеді, осы бағытта «Children Paralympic Games 2023» инклюзивті спорт фестивалі өткізіледі. Оған еліміздің барлық өңірінен 6-15 жас аралығындағы «ерекше» балалар қатысады, «Инклюзивті хореография» үйірмесінің тәрбиеленушілері арасында би байқауы өтеді.
«Саламатты болашақ» әлеуметтік жобасы аясында «Тең мүмкіндіктер әлемі» қоғамдық қорымен бірлесіп тегін бейімделген спорт секциялары ұйымдастырылады», — деді ол.
Жалпы балалармен қолайлы отбасылық демалысты ынталандыру үшін министрлік өткен жылдан бастап турпакет құрамында балалар авиабилетін субсидиялау бағдарламасын (Kids Go Free Фри) іске асыруда.
Бағдарлама негізінде бірінші жылдың қорытындысы бойынша турпакет құрамында 1 500 бала тегін ұшты. Биыл осы бағдарламаны іске асыруды жалғастырамыз, 2 мыңнан астам бала қамтылады деп күтілуде», — деді Асхат Оралов.
