Түркістан облысында 50 шетелдік ел аумағынан шығарылды
Түркістан облысында 50 шетелдік ел аумағынан шығарылды, деп хабарлайды Turanews.kz облыстық полиция департаменті баспасөз қызметіне сілтеме жасап.
Түркістан облысы Полиция департаментінің бастығы Мұрат Қабденов өңірдегі заңсыз көші-қон арнасын анықтап, алдын алу және оларды ұйымдастырушыларды табу, сондай-ақ облыс аумағында жүрген шетелдіктер мен азаматтығы жоқ адамдарды анықтау мақсатында тікелей тапсырма беріп, арнайы топ құрды.
Аталған топ 10 тәулік ішінде ел аумағында заңсыз жүрген Өзбекстан Республикасының 114 азаматын анықтаған. Оларға қатысты ҚР ӘҚБтК-нің 517-бабы бойынша тиісті хаттамалар толтырылып, жинақталған іс-құжаттар жергілікті сотқа жолданды. Қазақстан Республикасында болу ережелерін бұзған 50 шетелдік сот шешімімен ел аумағынан аластатылса, 4 шетелдік әкімшілік қамауға алынды.
