Сириядан келген босқын Германияда қала мэрі болып сайланды

Германияда Сириядан келген босқын бір қаланың мэрі болып сайланды, деп хабарлайды Turanews.kz CNN-ге сілтеме жасап.

Рийан Альшебл 2015 жылы Сирияның Ас-Сувайда қаласынан кеткен. Кейін ол жеті жыл бойы Альтенгштат қалалық әкімшілігінде жұмыс істеген. Ол өзі мэр болып сайланған Остелсхаймға көшуді жоспарлауда.

Альшебл Остельсхайм муниципалитетінен тәуелсіз кандидат ретінде сайлауға түсті. Жексенбі күні ол 55,41% дауыс жинап, Марко Штраус пен Матиас Фейден басым түсті. 29 жастағы Альшебл өзінің жеңісін «сенсациялық» деп атады. «Бүгін Остельсхайм бүкіл Германия үшін космолитизм мен көзқарастың кеңдігімен үлгі болып отыр», — деді жаңа мэр.

Альшебл жеңісінен кейін бірінші болып Сириядағы анасына қоңырау шалған. Баден-Вюртемберг муниципалитетінің қауымдастығының мәлімдеуінше, Альшебл – мэр қызметіне сайлауға түсіп, жеңіске жеткен алғашқы сириялық. Ол өзінің қызметіне маусымнан бастап кіріседі. Мектеп мұғалімі мен ауылшаруашылық инженерінің отбасында дүниеге келген Альшебл 20 жасқа дейінгі өмірін қаперсіз өмір деп сипаттаған.

2015 жылы Сирия үкіметіне қарсы наразылықтар басталып, оның соңы соғысқа ұласқанда бәрі өзгерген. Альшебл көптеген сириялықтар сияқты 21 жасында Түркиядан Лесбос грек аралы арқылы резеңке қайықпен Еуропаға келген. Альшебл Германияға келген соң Остельсхаймға жақын маңда тұрған.