Украинаның бас қаласы Киевте жарылыстар болды
Кличко Telegram аккаунтынан жасаған мәлімдемеде «Бас қаланың Холосиев ауданында жарылыс болды. Толығырақ ақпаратты кейінірек береміз» деді.
Екінші жағынан Харьков губернаторы Олег Синегубов Ресей күштерінің Харьков қаласы мен аймағына шабуыл жасағанын хабарлады.
Синегубов мәлімдемесінде «Жау қала мен облысқа 15-ке жуық шабуыл жасады. Маңызды инфрақұрылым нысандары әлі де басқыншылардың нысаналы аймағында» деді.
Бұл туралы Украинаның Одесса аймақтық губернаторы Максим Марченко Telegram арқылы мәлімдемесінде «Ауқымды зымырандық шабуылдың нәтижесінде зымырандар аймақтың энергетикалық инфрақұрылымы мен тұрғын үйлеріне тиді. Зардап шеккендер болмады» деді.
Украинаның көптеген аймақтарында әуе шабуылы туралы дабылдар берілді.
Украинаның Ұлттық ядролық энергия өндіру корпорациясы (Энергоатом) ресми Telegram аккаунтынан 9 наурыз күні жергілікті уақытпен сағат 03:53-те Запорожье Атом электр станциясының (ZNPP) зымыранмен нысанаға алынғанын хабарлады. Шабуыл салдарынан Украинаның энергетикалық жүйесі мен атом электр станциясы арасындағы соңғы байланыстың да үзілгені білдірілді.
