Yengil atletika bo‘yicha Osiyo chempionati 27-apreldan 30-aprelgacha O‘zbekiston Yengil atletika federatsiyasining sport majmuasida bo‘lib o‘tib, uning hududida butun stadionni, shu jumladan, yo‘lakchalarni, uzunlikka sakrash uchun chuqurliklarni va uloqtirish uchun sektorlarni qayta qurish bo‘yicha ishlar olib borildi.
Umumjamoa hisobida O‘zbekiston kuchli uchlikni Xitoy, Hindiston va Qozog‘istonga boy berib, to‘rtinchi o‘rinni egalladi va 12 ta medal — 3 ta oltin, 3 ta kumush va 6 ta bronza medalini qo‘lga kiritdi. Yoshlar chempionatida jami 40 ta Osiyo davlatlaridan 500 dan ortiq sportchi ishtirok etdi.
Chempionat doirasida 40 turdagi dasturlar bo‘yicha 41 ta sovrinlar to‘plami o‘ynaldi. Ahamiyatli farq bilan birinchi o‘rinni Xitoy terma jamoasi egalladi — 15 ta oltin, 7 ta kumush va 2 ta bronza, Hindiston jamoasi ikkinchi o‘rinda — 6 ta oltin, 11 ta kumush va 7 ta bronza hamda Qozog‘iston 3 ta oltin, 6 ta kumush va 5 ta bronza medal bilan uchinchi o‘rinni egalladi.
Yosh sportchilar yugurish, sakrash, uloqtirish, sportcha yurish va ko‘pkurash kabi musobaqalarda o‘z kuchlarini sinashdi.
O‘zbeksitonlik yengil atletikachi Sharifa Davronova uch hatlab sakrashda 13,99 m natija bilan yangi musobaqa rekordini o‘rnatib, uzunlikka sakrashda 6,22 m natija bilan kumush medalni qo‘lga kiritib, U18 va U20 yosh toifalarida jahonning eng kuchli sportchilaridan biri ekanligini yana bir bor tasdiqladi.
Balandlikka sakrash bo‘yicha O‘zbekiston o‘smirlar terma jamoasi sportchisi Devdavs Ismoilov O‘zbekistonning yangi nomiga aylandi. U birinchi urinishda 2,06 m balandlikni zabt etib, 5 sm ustunlik bilan asosiy raqiblari Shri-lankalik Nilipul Pexesar, janubiy koreyalik Kim Xyon Sik va vetnamlik Do Hoang Ngiani ortda qoldirdi.
Yana bir O‘zbekistonlik sportchi Muxayo Muhammadjonova 2000 m masofaga to‘siqlar osha yugurishda Xitoy Taybeyidan tashrif buyurgan ishtirokchi Chu Chenyu va tojikistonlik Nigorai Amirxondan 7 daqiqa 10,45 soniya natija bilan o‘zib ketdi va O‘zbekiston terma jamoasi g‘aznasiga uchinchi oltin medalni keltirdi.
Yoshlar o‘rtasida bo‘lib o‘tgan musobaqalar doirasida o‘g‘il bolalar o‘rtasida uch hatlab sakrash, yadro uloqtirish va 400 m masofaga yugurish, disk va bolg‘a uloqtirish, to‘siqlar bilan 400 va 5000 m masofalarga yurish, uch hatlab sakrash va qizlar o‘rtasida uzunlikka sakrash bo‘yicha U18 Osiyo chempionati rekordlari yangilandi.
O‘zbekistonda yosh sportchilar uchun bunday darajadagi Yengil atletika bo‘yicha musobaqa ilk bor o‘tkazilmoqda. Chempionatga tayyorgarlik Osiyo yengil atletika assotsiatsiyasi, Osiyo mamlakatlar yengil atletika federatsiyalarining rahbarligi hamda O‘zbekiston Yoshlar siyosati va sport vazirligi, Milliy olimpiya qo‘mitasi, O‘zbekiston yengil atletika federatsiyasi va “O‘zbekneftgaz” AJ ishtirokida bo‘lib o‘tdi.
Yengil atletika bo‘yicha U18 V Osiyo chempionatining yakunida bayroqni yoshlar o‘rtasidagi chempionatning navbatdagi mezboni — Saudiya Arabistonga tantanali topshirish marosimi bo‘lib o‘tdi.
