Turkiyadagi yer silkinishida vafot etganlar soni 14 ming 351 nafarga chiqdi
Turkiyadagi 7,7 va 7.6. magnitudali yer silkinishi oqibatida halok bo‘lganlar soni yana ortdi.
![](https://turanews.kz/wp-content/uploads/2023/02/aramakurtarma-az-tr-780x440.jpg)
Epitsentri Kahramanmarash bo‘lgan 7,7 va 7,6 magnitudali yer silkinishida hayotdan ko‘z yumganlar soni 14 ming 351 nafarga chiqdi.
Vitse – prezident Fuat O‘ktay, 6 – fevral kuni sodir bo‘lgan yer silkinishi voqealari oqibatida vafot etganlar sonining 14 ming 351, tan jarohati olganlar sonining esa 63 ming 794 nafar ekanini qayd etdi.
Yiqilgan 6 ming 444 bino ostida qidiruv – qutqaruv ishlari davom etmoqda.
Voqea o‘rnida 113 ming 201 nafar qidiruv – qutqaruv xodimi xizmat qilmoqda.
Mintaqaga yuborilgan 94 mingdan ortiq chodirning 73 ming 11 tasi qurildi.
Hududga 95 ta mobil oshxona, 79 ta ovqat tarqatish mashinasi, 1 ta osh uyi, 4 ta ko‘chma duxovka, 39 ta dala oshxonasi, 1 ta konteyner oshxonasi, 86 ta xizmat avtomashinalari jo‘natildi.
Ofat va favqulodda vaziyatlar boshqarmasi, bugun soat 11:38 holatiga ko‘ra epitsentri Kahramanmarash bo‘lgan yer silkinishi voqealaridan ziyon ko‘rgan viloyatlardan quriqlik, temir va havo yo‘li orqali 28 ming 44 kishi evakuatsiya qilinganini ma’lum qildi.