Qozog‘istonning Ostona shahrida yengil atletika bo‘yicha yopiq inshootlardagi Osiyo chempionati yakuniga yetdi, deya xabar bermoqda O‘zbekiston milliy olimpiya qo‘mitasi matbuot xizmati.
4×400 metrga yugurish bo’yicha estafeta bahsida startga chiqqan qizlarimiz ikkinchi bo’lib marra chizig’ini kesib o’tishdi. Ular qayd etgan 3:46:45 daqiqalik natija yangi milliy rekord sifatida qayd etildi. Shuningdek, uzunlikka sakrash sektorida Tokio-2020 Olimpiadasi ishtirokchisi Darya Reznichenko 6.37 metr bilan bronza medaliga sazovor bo’ldi.
Shu tariqa, terma jamoamiz mazkur musobaqada 2 ta oltin, 1 tadan kumush hamda bronza medallariga sazovor bo’ldi. O’zbekiston Milliy Olimpiya qo’mitasi atletlarimiz va ularni tarbiyalagan murabbiylarni qo’lga kiritilgan natijalar bilan qutlab, jamoamizga kelgusida ham omad va zafarlar tilab qoladi.
