O‘zbekistonda kibersport rasman alohida sport turi sifatida qayd etildi

O‘zbekiston prezidenti Shavkat Mirziyoyev 16 noyabr kuni mamlakatda kibersport turlarini yanada rivojlantirish va keng ommalashtirish to‘g‘risidagi qarorni imzoladi, Бул тууралуу Gazeta.uz билдирет.

Kibersport O‘zbekistonda rasman alohida sport turi sifatida tan olingan. Yangi hujjatda kibersport turlari bo‘yicha professional kibersportchi va murabbiylar, malakali hakam va sharhlovchilar, shuningdek, boshqa mutaxassislarni tayyorlash va qayta tayyorlash tizimini joriy etish ko‘zda tutilgan. Kibersport turlari bo‘yicha respublika va xalqaro chempionat va turnirlar tashkil etish, xalqaro va mintaqaviy musobaqalarda munosib ishtirok etishni yo‘lga qo‘yish rejalashtirilgan.

Kibersport turlari bo‘yicha ilmiy-ma’rifiy qo‘llanma va adabiyotlarni ishlab chiqish va nashr etish, kibersport infratuzilmasini rivojlantirish, sohaga to‘g‘ridan-to‘g‘ri investitsiyalarni jalb qilishni rag‘batlantirish, shuningdek, kibersport turlari bo‘yicha «ijobiy jamoatchilik fikrini shakllantirish» belgilangan.

Mamlakatda kibersportni rivojlantirish va keng ommalashtirish uchun mas’ul bo‘lgan vakolatli davlat organlari Sportni rivojlantirish vazirligi, Axborot texnologiyalari va kommunikatsiyalarini rivojlantirish vazirligi hamda Yoshlar ishlari agentligi hisoblanadi.

2023 yildan boshlab har yili aprel oyida kibersport bo‘yicha Uzbekistan Esports Championship respublika chempionati, dekabr oyida Vazirlar Mahkamasi kubogi va iyun oyida yoshlar kubogi o‘tkaziladi.

Qaror bilan Kibersport turlarini yanada rivojlantirish va keng ommalashtirish bo‘yicha idoralararo kengash tashkil etildi.