Salomatlik
O‘zbekiston Pfizer vaksinasining yana 143 mingga yaqin dozasini qabul qildi
O‘zbekistonga koronavirusga qarshi Pfizer vaksinasining qariyb 143 ming dozasi keltirildi. Dekabr oyida yana 3 mln doza vaksina kelishi kutilmoqda.
![](https://turanews.kz/wp-content/uploads/2022/11/pfizer-780x470.jpeg)
Dushanba kuni O‘zbekistonga Pfizer vaksinasining 142 740 dozasi yetib keldi, deb xabar berdi Sog‘liqni saqlash vazirligi matbuot xizmati.
COVAX dasturi doirasida yetkazilgan vaksinani BMTning Bolalar jamg‘armasi moddiy-texnik yordam sifatida taqdim qildi.
YUNISEF ma’lumotlariga ko‘ra, dekabr oyida O‘zbekistonga Pfizer vaksinasining yana 3 mln dozasi keladi.
Bugungi kunga qadar mamlakatda emlash jarayonida jami 72,5 mln doza vaksina qo‘llanilgan bo‘lib, shundan 6,7 millioni Pfizer vaksinasidan olingan.
Eslatib o‘tamiz, iyul oyida O‘zbekistonga 2 mln dozada Pfizer vaksinasi yetkazib berilgandi. Emlash vositalari Qo‘shma Shtatlar tomonidan COVAX dasturi doirasida yuborilgandi.