Кыргыз Республикасынын Ички иштер министрлигинин Коомдук коопсуздук кызматынын укук бузуулардын алдын алуу борборуна Орусиядан 3 жашы жете элек бала жеткирилди. Бул тууралуу ведомстводон билдиришти.
Аталган борбор өз ишин ички иштер органдарынын башка бөлүмдөрү, аткаруу бийлигинин мамлекеттик органдары, жергиликтүү өз алдынча башкаруу органдары менен өз ара байланышта жүргүзүп, ошондой эле эл аралык уюмдар жана КМШ өлкөлөрүнүн компетенттүү органдары менен кызматташат.
Эл аралык кызматташтык негизинен Орусия, Казакстан жана Өзбекстандын Балдар баш калкалоочу жайлары жана балдарды убактылуу кармоо борборлору менен жүргүзүлөт.
Кечээ борборго РФ ИИМинин Новосибирск облусу боюнча башкы башкармалыгынын жашы жете электерди убактылуу кармоо борборунан келишимге ылайык, Ош облусунун Ноокат районунда туулган жашы жете элек 3 бала жеткирилди.
Кайтарылып берилген балдардын үй-бүлөдөгү жашоосу жана тарбия шарттарын аныктоо боюнча иштер жүргүзүлүп, башка мамлекеттин аймагында болуу себептери такталды.
Профилактикалык жана тарбиялык иштер жүргүзүлгөндөн кийин балдар мыйзамдуу өкүлдөрүнө берилет.
