![](https://turanews.kz/wp-content/uploads/2023/02/eaeu_flags_big-780x470.jpg)
Эмгек, социалдык камсыздоо жана миграция министрлигинде Евразия экономикалык биримдигинин өлкөлөрүндө кантип мыйзамдуу түрдө жумуш табууга болорун айтып беришти.
Ведомство түшүндүргөндөй, эл аралык кызматташтык боюнча Германиялык коомдун (GIZ) колдоосу менен “занятость” интерактивдүү веб-порталы иштеп жатат (www.zanyatost.kg), анда республика боюнча бардык бош орундар, ишке орноштурууга көмөк көрсөтүү чөйрөсүндөгү мамлекеттик кызматтар, ошондой эле жаңылыктар жана пайдалуу маалыматтар жайгашкан.
Порталда министрликтин аймактык бөлүмдөрүнө жумуш издөөчү катары катталуу үчүн онлайн арыз берүүгө, коомдук жумуштар же кесиптик билим берүү мүмкүнчүлүктөрү жөнүндө маалымат алууга болот.
Ошондой эле, иш берүүчүлөр талап кылынган адистерге арыз калтыра алышат. Мектеп окуучулары жана бардык каалоочулар кесиптик багыт боюнча онлайн тесттен өтө алышат.
Бул портал ЕАЭБ өлкөлөрүнүн “Чек арасыз жумуш” автоматташтырылган издөө маалыматтык системасы менен интеграцияланган, бул биздин өлкөдөн тышкары Россияда, Белоруссияда, Казакстанда жана Арменияда мыйзамдуу ишке орноштурууну издөөгө мүмкүндүк берет.
Вакансиялар банкында иш берүүчүлөрдөн 5 миңден ашык чакыруу катталган, биринчи кезекте Россиядан.