Астанада «нөлдүк чакырым» мамысы орнотулду
Борбор калаада «нөлдүк чакырым» мамычасы орнотулду, Бул тууралуу Jibek Joly билдирди.
Бул Казакстандын баш калаасынан дүйнөнүн борборлоруна чейинки аралыкты белгилеген баштапкы чекит. Жалпысынан 17 багыт бар. Алардын тогузу бир тууган мамлекеттердин шаарлары. Кытай, Орусия сыяктуу алп мамлекеттердин борборлору да бар. Жыгач мамыдагы жебелер Алматы, Түркестан, Шымкент шаарларын көрсөтүп турат. Келечекте алардын саны чет элдик саякатчыларга жол көрсөтүүчү башка кызыктуу туристтик аймактар менен толукталат.
Талгат Аманбаев, «Kazakh tourism» АК башкарма төрагасы:
Илгери боз үйлөрдүн жанында ат байлоо үчүн ушундай мамылар болгон. Аркан илинген бул тегерекче нөлдүк чекитке окшош. Бул жерден жүргүнчүлөр атка минип, ар кайсы жакка кетишчү. Ошондой эле, астындагы арабанын дөңгөлөгү жана жогорудагы үй абдан маанилүү. Колоннада белгиленген шаарлар бекеринен тандалган эмес. Алардын баары өлкөбүздүн түптөлүшүнө салым кошкон мамлекеттер. Мындан тышкары туристтердин агымы үчүн кызыктуу аймактарды да көрсөттүк.
