Türkiyə İraqda PKK/KCK terrorçusunu zərərsizləşdirdi

Türkiyənin Milli Kəşfiyyat Təşkilatı (MİT) PKK/KCK terror təşkilatının daha bir terrorçusunu zərərsizləşdirib.

TuraNews.kz bu barədə Türkiyə KİV-lərinə istinadən xəbər verir.

Məlumata görə, “Jiyan Mardin” kod adlı terrorçu Gülsümə Doğan İraqın Süleymaniyyə şəhərində keçirilən əməliyyatla zərərsizləşdirilib.

Təşkilatın rəhbərləri ilə yaxın təmasda olduğu deyilən terrorçu Gülsümə Doğanın aldığı təlimatlara əsasən bölgədəki əhalidən “vergi” adı altında zorla vəsait tələb etdiyi və toplanan vəsaitdən PKK terror təşkilatının maddi-texniki təminatı üçün istifadə etdiyi müəyyən edilib.