Türk Dövlətləri Təşkilatının Mülki Müdafiə Mexanizmi qurulacaq

Türk Dövlətləri Təşkilatının Mülki Müdafiə Mexanizmi qurulacaq.

Turanews.kz xəbər verir ki, bu barədə Türkiyə Prezidenti Rəcəb Tayyib Ərdoğan Türk Dövlətləri Təşkilatının Fövqəladə Zirvə görüşündən sonra keçirdiyi mətbuat konfransı zamanı deyib.

“Türk Dövlətləri Təşkilatı ölkələri fəlakətdən sonra kömək çağırışımıza ən tez cavab verən, ən sürətli hərəkətə keçən, ağrılarımızı ürəkdən paylaşan dostlarımız arasındadır” – deyə o qeyd edib.

R.T.Ərdoğan əlavə edib ki, TDT tarixi, mədəni və ədalətli birliklərin bloklandığı müddətdə yeni səsə, yeni sinerji mərkəzinə çevrilir.

“Bu qara gündə yanımızda olan hər bir qardaşımıza olan minnətdarlıq borcumuzu heç vaxt ödəyə bilməyəcəyimizi vurğulayıram”, – deyə Türkiyə Prezidenti bildirib.

Qeyd edək ki, bu gün Ankarada Türk Dövlətləri Təşkilatının Dövlət Başçılarının Fövqəladə Zirvə görüşü keçirilib.

Dövlətimizin başçısı İlham Əliyev tədbirdə iştirak edib.