Qırğızıstanda “TikTok”a qadağa qoyulub
Qırğızıstanda “TikTok”a qadağa qoyulacağına dair qərara gəlinib.
Qırğızıstan Mədəniyyət, İnformasiya, İdman və Gənclik Siyasəti Nazirliyi ölkədə “TikTok”un fəaliyyətinin dayandırılması ilə bağlı qərar verdiyini açıqlayıb.
Mədəniyyət Nazirliyi bildirib ki, bir sıra qeyri-hökumət təşkilatlarından uşaqların psixi inkişafına və sağlamlığına mənfi təsir göstərən “TikTok” sosial şəbəkəsinin zərərli təsirləri ilə bağlı şikayətlər artıb.
Mədəniyyət Nazirliyi bu sosial şəbəkənin məzmunu ilə bağlı monitorinq keçirib və məlum olub ki, platforma tərəfdən uşaqların sağlamlığına və inkişafına ziyan vuran məlumatlara çıxışın məhdudlaşdırılması, habelə məlumat əldə edərkən yaş kateqoriyasına nəzarət funksiyaları kimi “TikTok” tətbiqi tətbiq edilmir.
Nazirlikdən verilən məlumata görə, qərarın qanunvericilik çərçivəsində reallaşması üçün artıq Rəqəmsal İnkişaf Nazirliyinə müraciət göndərilib.
