Kamçatkada 5,0 bal gücündə zəlzələ olub

Kamçatkanın Avaça körfəzində 5,0 bal gücündə zəlzələ baş verib, Petropavlovsk-Kamçatskidə 2-3 bal gücündə təkanlar hiss edilib.

Bu barədə Kamçatka diarı üzrə Rusiya Fövqəladə Hallar Nazirliyinin Baş İdarəsinin mətbuat xidməti bildirib.

Bildirilib ki, zəlzələnin episentri Petropavlovsk-Kamçatski şəhər dairəsindən 74 km cənubda, Avaça körfəzi sularında yerləşib.

İlkin məlumata görə, ölən və dağıntılar yoxdur. Sunami təhlükəsi elan edilməyib.