Азербайжан армяндардын провокацияларынын натыйжасында 50 аскердин шейит болгонун жарыялады
Азербайжандын президенти Илхам Алиев твиттер эсебинен Азербайжан элине, шейиттердин үй-бүлөлөрүнө жана жакындарына көңүл айтты.
Азербайжандын Коргоо министрлиги чек арада армяндардын провокацияларынын натыйжасында 50 аскердин шейит болгонун жарыялады.
Коргоо министрлигинин билдирүүсүндө, 12-сентябрга караган түнү жана 13-сентябрдын таңында армян армиясы менен чек аранын Дашкесен, Келбежер, Лачын жана Зенгилан багыттарында кеңири масштабдуу провокацияларды ишке ашырганы белгиленген. Азербайжанда, Азербайжан армиясынан 42 жана Мамлекеттик чек ара кызматынын 8 аскер кызматкери болуп бардыгы 50 аскер шейит болгону билдирилди.
Азербайжандын президенти Илхам Алиев да твиттер эсебинен Азербайжан элине, шейиттердин үй-бүлөлөрүнө жана жакындарына көңүл айтты.
Алиев: «Шейиттердин каны жерде калган жок»,-деп жазды.
Азербайжандын Коргоо министрлигинин билдирүүсүндө, 12-сентябрга караган түнү жана 13-сентябрдын таңында Армения армиясы Азербайжан менен чек аранын Дашкесен, Келбежер, Лачын жана Зенгилан багытында кеңири масштабдуу провокация жасаганы белгиленди.
Экинчи жагынан, министрликтин мурунку билдирүүсүндө,«Кечээ, жергиликтүү убакыт боюнча эртең мененки саат 9:00гө карата ок атышпоо жарыяланганына карабастан, Армения чек арада артиллериялык жана башка оор куралдарды колдонуу менен ок атышпоо режимин катуу бузуп жатат»,делди.
